Sardigna mia
Sardigna mia chi ses bene assentada, fiza de mare e monte solianu, sa lughe ti carignat a manzanu e isparghet nuscu a s'interighinada... S'arbèschida cun manos de cheriasa infundet onzi rocca cristallina, pro s'ànima recreu e meighina, comente un'ischintidda chi nos basa(t). In abba 'e prata dromit cada luna, pasada subra un'unda sonniadora, de arantzu in frore framma lughidora, intr'e sos coros bòidos de fortuna. Dae sas intragnas naschit sa dultzura chi a sos Sardos donas onzi die: cun sole 'uddinde, bentu e cun su nie faghes carignos prenos d'ermosura. Ses terra intritzida cun maghia, de istòria, folclore e amistade, ses mama pro chie cantat veridade, ses domo de ammaju e poesia. Tue, ìsula pintada 'e galania, faru lughente in àndalas iscuras, amiga durche in mesu a sas tristuras... E t'amo sempre prus, Sardigna mia! Càrula Casula |
Sardegna mia (traduzione)
Sardegna mia che sei ben collocata, figlia del mare e dei monti soleggiati, la luce ti accarezza al mattino e sparge il profumo al tramonto... L’alba con mani di ciliegia bagna ogni roccia cristallina, per l’anima ristoro e medicina, come una scintilla che ci bacia. Nell’acqua d’argento riposa ogni luna, adagiata sopra un’onda sognatrice, fiamma lucente di arancio in fiore, dentro i cuori vuoti di fortuna. Dal tuo grembo nasce la dolcezza che ai Sardi doni tutti i giorni: col sole cocente, il vento e la neve regali carezze colme di leggiadria. Sei terra intrecciata con magia, di storia, folklore e amicizia, sei mamma per chi canta verità, sei dimora di incanto e poesia. Tu, isola dipinta di bellezza, faro lucente nei sentieri scuri, dolce amica nei momenti di tristezza... E ti amo sempre più, Sardegna mia! |