Cun su matessi alenu...
Alenamus cun su matessi alenu deo isciaa de bisos tue iscarpeddande veridade... Cun filu atarzinu tessimus paris tempos benidores chi non connoschent nues o note atortorada. Dae cando est comintzadu cust'amore semus duos puzoneddos -ligados in su chirru de su coro- cun d'un'ala perunu ma bolamus lebieddos e seguros inghiriande s'aera e pintande su chelu de ternura! Parimus duos gùtios bantzigande in sa matessi ampulla e si chircant de nos ischirriare adduramus umpare o duas ischintiddas dansande in chircu peri su foghile nos basamus in bolu... Semus unda de mare -mira,un'unda ebbia! - tue sa conca arva,isprumosa deo sa 'entre lìmpia e biaita e totu ingiogatzados nos persighimus comente una roda chi non s'istracat mai. Cando sa die ditzosa nos saludat risitamus cun una 'oghe sola chi pigat che su sole a mesudie falande,durche,a s'interighinada e simizat a sa bantzigallella de gosu e pitzinnia! In sos mamentos rànchidos de nieddu semus ranos de sale in sa matessi làgrima allizada e isteddos isporados rujos in soledade chi sàmbenant cun su matessi alenu... Càrula Casula |
Con lo stesso fiato...
Respiriamo con lo stesso fiato io schiava di sogni e tu che scolpisci verità... Con filo d’acciaio tessiamo insieme il futuro che non conosce nubi o notti ghiacciate. Dall’inizio del nostro amore siamo due uccellini -legati nella parte del cuore - con un’ala ciascuno ma voliamo leggeri e sicuri circondando l’aria e dipingendo il cielo di tenerezza! Sembriamo due gocce che dondolano nella stessa bottiglia e se cercano di dividerci restiamo insieme o due scintille che danzano in cerchio intorno al focolare e ci baciamo in volo... Siamo un’onda del mare - vedi,un’onda soltanto! - tu la testa bianca, schiumosa io il ventre limpido e blu profondo e giocherellando ci inseguiamo come una ruota che non si stanca mai. Quando il giorno lieto ci saluta sorridiamo con una sola voce che sale come il sole a mezzogiorno e scende, dolce, al tramonto e somiglia all’altalena di spensieratezza fanciullesca! Nei momenti neri di amarezza siamo grani di sale nella stessa lacrima appassita e stelle sconfortate rosse nella solitudine che sanguinano con lo stesso fiato... |